SHIRKADDA NISSAN EE JAPAN AYAA HAKISAY WAX SOO SAARKA RUUSHKA MUDDO LIX BILOOD AH

Shirkadda Nissan Motor ee Japan ayaa joojisay wax soo saarkeeda dalka Ruushka horraantii sanadkan maadaama ay jirto rajo yar oo laga qabo in xaaladdu soo hagaagto, madaxa fulinta Makoto Uchida ayaa sheegay Talaadadii.

“Waxaan aaminsanahay in xaaladdan ay noqon karto mid aad u daran oo sii dheeraan karta,” ayuu yiri Uchida oo soo xigtay shir sannadeedka guud ee Nissan (AGM), isaga oo tixraacaya khilaafka sii xumaanaya ee Ruushka iyo Ukraine.

Shirkadda Nissan ayaa hakisay wax soo saarkii Ruushka bishii Maarso iyo sidoo kale dhoofintii halkaas ka dib markii uu Ruushku ku duulay Ukraine, taas oo sare u qaaday khatarta saadka iyadoo waddamada reer galbeedka ay ku soo rogeen cunaqabatayn dhaqaale oo kala duwan. Ruushka ayaa ku tilmaamay ficilada uu ka wado Ukraine “hawlgal gaar ah”.

Arrintan ayaa imaanaysa iyadoo shirkadaha adduunka oo dhan ay cadaadis ku saareen inay xiriirka ganacsi u jaraan Ruushka.

Si kastaba ha ahaatee, kaliya 2.4% ay sameeyeen shirkadaha Japan ee ka howlgala Ruushka tan iyo markii uu bilaabmay dagaalka duulaanka bishii February 24.

Shirkadda ay xulafada yihiin Nisan ee Renault ayaa ka baxday Ruushka bishii May ka dib markii ay kordheen dhaleeceynta joogitaanka dalka Ruushka..