MADAXWEYNAHA IVORY COAST ALASSANE OUATTARA AYAA WALAAC KA MUUJIYAY SICIR BARARKA

Madaxweynaha Ivory Coast Alassane Ouattara ayaa walaac ka muujiyay sicir bararka iyo khatarta yaraanta badeecado dhowr ah sida sarreenka Afrika.

“Waxaan ka walaacsanahay  hoos u dhaca kobaca caalamiga ah iyo helitaanka Afrika ee alaabooyinka qaarkood sida; sarreenka iyo dabcan sicir-bararka,” ayuu yiri madaxa qaranka.

Hadalkan ayaa waxa uu ka sheegay intii lagu guda jiray furitaanka shir-madaxeedka dhaqaalaha oo ay isugu yimaadeen 1,500 hoggaamiyeyaal ganacsi iyo go’aan-qaadayaal siyaasadeed kaasoo ka socda ilaa Talaadada Abidjan.

Ouattara ayaa tusaale u soo qaatay dalka Hindiya oo mamnuucay dhoofinta qamadiga bartamihii bishii May.

“Xaaladda sicir-bararka noocan oo kale ah waxay ku riixaysaa dawladaha iyo shirkadaha inay dib u qiimeeyaan ku tiirsanaanta shabakadaha caalamiga ah runtii waxay caqabad ku tahay caalamiyeynta iyo fikradda ganacsiga adduunka,” ayuu raaciyay.

Cunto la’aanta ayaa ahayd arrin soo jireen ah oo adduunka oo dhan ah, colaadda Ukraine ayaa sii xoojisay xaaladda taas oo sidoo kale ay sababeen iska horimaadyada dhibaatooyinka cimilada iyo dhaqaalaha.

Madasha madaxda Afrika ayaa diiradda lagu saari doonaa madaxbannaanida dhaqaale ee qaaradda Afrika.