TESLA AYAA SHAQADA KA CEYRISAY MAAMULAHA SHIRKADDA EE DALKA SINGAPORE

Tesla ayaa shaqada ka ceyrisay maareeyaheedii dalka Singapore toddobaad uun ka dib markii Elon Musk uu ka digay shaqo-joojin caalami ah.

Christopher Bousigues ayaa barta LinkedIn soo dhigay  Axadii in shaqadii la hakiyay. Bosigues bartiisa LinkedIn ayaa waxaa ugu qornaa inuu ahaa maareeyaha dalka Singapore oo u shaqeynayey Tesla in ka badan hal sano.

Ma uusan sheegin sabab gaar ah oo shaqada looga eryay balse wuxuu sheegay inay la xiriirto shaqo dhimis ay Tesla horay u sheegtay. Horaantii bishaan Musk wuxuu warqad u diray shaqaalaha isagoo ku dhawaaqaya qorshayaal lagu dhimayo “tirada mushaharka 10% maadaama shaqaalaha xad dhaaf ay ku noqdeen meelo badan.” Musk wuxuu sheegay inuu leeyahay “dareen xun” oo ku saabsan dhaqaalaha email gaar ah oo uu u diray madaxda, Reuters ayaa werisay.

Tesla waxa ay shaqaalaysiisay ku dhawaad ​​100,000 oo qof aduunka dacaladeeda ilaa dhamaadka 2021.  Bousigues wuxuu sheegay inuu ahaa maareeyihii ugu horreeyay ee waddan koonfur bari Aasiya iyo in sanadkii la soo dhaafay isaga iyo kooxdiisu ay “ganacsiga ka dhiseen xagga hoose.” Shaqaalihii hore ee Tesla ayaa muujiyay qaar ka mid ah guulihiisa oo ay ka mid yihiin samaynta laba qol oo show ah, hal xarun adeeg iyo bilaabista Tesla Model Y todobaadkii hore ee Singapore.